ალეკო მალხაზიშვილი, "კომედი შოუს" წევრი:
– მართლა დაქორწინდნენ? მათთვის მსგავსი რამ არასდროს შემიმჩნევია. ახლა უკვე ვხვდები, ერთად რატომაც მიჰყავდათ გადაცემა. გიორგის გადავურეკავ და გავარკვევ, რაღაც სარეკლამო ტრიუკი ხომ არ არის. გიორგის ასეთი რამეები უყვარს ხოლმე.
15 წუთის შემდეგ ალეკო მალხაზიშვილს ისევ დავურეკეთ.
ალეკო მალხაზიშვილი:
– მე ხომ ფარული კამერის მოყვარული ვარ და ფარული გრძნობაც ძალიან კარგია. არასოდეს მიფიქრია, რომ მათ შორის რამე ხდებოდა. ვულოცავ მათ დაოჯახებას და ყოველივე საუკეთესოს ვუსურვებ! ბავშვი რომ ეყოლებათ, იმედია, არ დამიმალავენ.
ამ ინფორმაციამ ვასო ფხაკაძეც გააოცა:
– ამ ამბავს "სარკისგან" არ უნდა ვიგებდე! ვულოცავ მათ დაქორწინებას. ახლახან დავბრუნდი თბილისში და ამის შესახებ არაფერი ვიცოდი. ძალიან გამიხარდა მათი ერთად ყოფნა.
ვანო გუმბერიძე, "თქვენი შოუს" ერთ–ერთი მონაწილე:
– მათ პირადად უკვე მივულოცე და თქვენი ჟურნალის საშუალებით კიდევ ერთხელ ვულოცავ. ორივე ძალიან მიყვარს და ვაფასებ, ჩემი მეგობრები არიან. გამიხარდა, ცხოვრება ერთმანეთს რომ დაუკავშირეს. ბედნიერებას ვუსურვებ! აქამდე მათი რომანის შესახებ არაფერი ვიცოდი. სხვამ ვინ რა იცოდა, ვერ გეტყვით.
– ვერ ატყობდით, რომ ერთმანეთი უყვარდათ?
– ეს უკვე სხვა თემაა... მათი შეუღლება ჩემთვის სიურპრიზი იყო.
